No.7752/2020-2021

Dated Khawzawl, the 10th March, 2021: Vawiin chawhma dar 10:00 khan SIRD&PR Extension Training Centre, Thingsulthliah buatsaihin Khawzawl town chhunga Village Council member-te tan ni hnih awh tur training ‘Integrating Disaster Management Plan and Solid Waste Management Plan in GPDP’ tih thupui hmanga neih chu tan a ni.

Training hi Zaingen YMA Hall, Khawzawl-ah Pu H.Lalramenga, SDC, DM&R Nodal Officer ni bawk chuan a hawng a. SIRD&PR, Thingsulthliah ETC in Khawzawl VC te tana training tangkai leh pawimawh tak an buatsaih thei chu lawmawm a tih thu sawiin, Disaster lo thlen hun tur sawilawk theih a nih loh avangin chiai lo leh awmze neia hmachhawna, lo inbuatsaih lawk thei turin Disaster Management Plan mumal tak neih a pawimawh hle a ni, a ti a. Disaster Management chungchang sawifiahna hun nei zuiin, Khawzawl DDMA hnuaia hmalakna hrang hrangte a tarlang bawk. 

Training hi Khawzawl town chhunga Village Council 10 tan buatsaih a ni a. SIRD&PR, Thingsulthliah ETC atangin Principal Pu Lalthanmawia Ralte leh Pu K. Lalbuatsaiha te’n Solid Waste Management Plan leh Disaster Management Plan chungchangah training an pe a ni.