1331/2026-2027 

Dated Khawzawl, 8th July 2026: vawiin chawhma khan Khawzawl District Cooperative Development Committee (DCDC) chu DC Conference Hall, khawzawlah Bawrhsap leh an Chairman ni bawk Pu K. Vanlalthiana hovin an thukhawm.

Member Secretary Pu B. Lalchhanhima, District Cooperative Officer chuan report pein, Khawzawl District a hmalakna hrang hrang thlirletna neih a ni a. Khawzawl District chhungah hian tun dinhmunah cooperative society hrang hrang 48 an in register an awm mek thute , society 35 te chu tha taka an function mek a, society 13 te chu an function that loh thute report a pe a, Agenda-te sawihawnna a neih hnuin sawihona neih nghal zel a ni bawk.

Agenda hrang hrang M-PACS din thar chhungchangte, PMKSK Retail Licence chungchangte, Training pek chungchangte, District chhunga Cooperative Society dinhmun thlirletnate, Multipurpose Primary Agricultural Credit Cooperative Society (M-PACS) te tihchak dan tur ruahmanna siam chungchangte leh Ministry of Cooperation and Cooperative Week vawi 5-na hman dan chungchang te sawiho a ni.

Computerization of Primary Agricultural Credit Societies (PACS) (Phase-II) kalpui mek chu District chhungah tha taka kalpui mek a ni a, tun dinhmunah PACS pathumte tan hian Field Hardware Readiness (FHR), Field Verification Report (FVR), leh Data Collection Template (DCT) te tihfel tawh niin, Tunah hian Dulte M-PACS leh Tualte M-PACS tan Pre-Migration Activity kalpui mek a ni bawk.

State Level Monitoring and Implementation Committee (SLMIC)-in hriattir angin, Computerization of PACS Project Phase-III hnuaia kalpui tur Khawzawl District atanga Primary Agricultural Credit Society (PACS) panga (PACS) 1. Kawlkulh M-PACS Ltd. 2. Chawngtlai M-PACS Ltd. 3. Khawzawl Darngawn M-PACS Ltd. 4. Lungtan M-PACS Ltd. Leh 5. Tualpui M-PACS Ltd. te thlan chhuah an ni.

Financial year 2025-2026 chhunga Multi- Purpose Primary Agricultural Cooperative Society (M-PACS) thar pali (4) ziahluh a ni a, Cooperative Society awmsa panga (5) siamthat niin M- PACS-ah siam a nib awk. M-PACS registration dil pathum (3) te chu tunah hian Registrar of Cooperative Societies (RCS) level-ah kalpui mek a ni. Rabung Multipurpose Primary Agricultural Credit Cooperative Society (M-PACS) Ltd. chu Mizoram State Policy Coordination Committee-in Bana Kaih Policy hnuaiah Progress Partner atan a thlang a ni. Ministry of Cooperation '5th Foundation Day' leh 'Cooperative Week, 2026' puala hmalakna hrang hrangte report ngaihthlak a ni bawk.