3868/2024-2025

Khawzawl, dated 17th January 2025: Vawiin tlai dar 3:30 khan Khawzawl DC leh DEO ni bawk, Pu K. Vanlalthiana chuan DC Meeting Hall-ah General Election to Village Council, 2025 neih tur chungchangah thuthar thehdarhtu (journalist) te ko khawmin press briefing a neih pui a, inthlanpui atan inbuatsaihna hrang hrang te hetiang hian a sawi.

Mizoram District 9-a Village Councils term chu ni 19 February, 2025 hian a lo tawp dawn ta a, Constitution of India Article 243K in thuneihna a pek dung zuiin sub-rule (1) of Rule 3 of The Mizoram (Election to Village Councils) Rules, 2014 in mawhphurhna a pek angin State Election Commission, Mizoram chuan Mizoram chhunga Village Council - 544 te tan inthlanpui vawi 21-na tur chu ni 12 February (Nilaini), 2025 hian a buatsaih dawn a.

1. Village Council: Village Council Inthianpui vawi 21-na, 2025-ah hian kum 5 term atan Village Council Member thlan a ni dawn a. Khawzawi District huamchhung khua/veng hrang hranga vote neih dan leh seat neih dan te chu hetiang hi a ni:-

2. Identification of Electors: Vote thlak turte chuan inthian hunah an nihna tichiang turin Election Commission of India in a siam EPIC an keng ngei tur a ni a, an nei lo a nih chuan an nihna chiang taka hriat theihna State Election Commission in Identity Card atana pawm theih a tihchhuahte an keng fur a ni. Vote thlak a nih dawnin vote - 'neitu dik tak a ni' tihchian thein a nih loh chuan vote an thlak thei lo ang.

3. Dan leh thupek: Inthianna felfai leh muanawm kan neih theih nan dan leh thupek kenkawh kawngah District Magistrate leh Superintendent of Police ten theihtawp an chhuah ang a. A tul a nih chuan Polling Station ven him ngai bikte thlang chhuakin, venhimna kawngah hma an la ang.

4. Election Officials: Deputy Commissioner chu District Election Officer atan ruat niin, Additional Deputy Commissioner chu Assistant District Election Officer atan ruat a ni. Inthlanna buaipuitu atan hian a tul angin Khawzawl District hnuaia Sawrkar hnathawkte ruat an ni a. Returning Officer, Presiding Officer leh Polling Officer atan pawh a theih chin chinah khawchhung mi ruat an ni ang.

5. Election Observer: Khawzawl District tan Election Observer-ah Pi Ngurthantluangi. Joint Director, Commerce and Industries Department, Mizoram chu ruat niin, ani hian inthlan chungchanga hmalak dan ngun takin a vil dawn a. Inthlan kalpui dana lungawi lohna neite chuan Election Observer hnenah an hriattir thel ang.

6. Conduct of Official: Inthlan buatsaihnaa mawhphurhtu ten tu pawh duhsak bik emaw hlauh bik emaw an neih a rem lo a, a lai thei ang bera hna thawk tura beisei an ni. An vai hian inthlan zawh hma chu State Election Commission hnuaiah deputation-a kal anga ngaih an ni a, Commission kaihhruaina leh thu neihna hnuaiah an thawk a ni.

7. Single Ballot Box: Vote thlaktuten an vote thlakna midangin an rin hriat mai theih lohna tur te, inthlanna thianghlim leh feifai kan neih theihna tur tein Ballot Paper - General seat leh Reserved seat te Ballot Box pakhatah thlak vek tur a ni.

8. Ballot Paper: Ballot Paper hi General seat tan pakhat (a var/white) leh Reserved seat tan pakhat (a senno/pink) a rawng inang lo hman tur a ni ang a, a pahnih chuan Ballot Box pakhatah thlak kawp tur a ni ang.

9. Voting Compartment: Vote thlaktuten awlsam leh hun khawh ral lo zawka vote an thlak theih nan voter tamna deuhah chuan Polling Booth leh Voting Compartment pakhat aia tam ruahman a ni.

10. Indelible Ink: Vote thlak nawn leh mi aia vote thlak tumte ven nan vote thlaktute kut veilam zungchal tin leh vuna kai telin Indelible Ink hnawih vek tur a ni ang.

11. Common Election Camp: Party worker-te inkara boruak tha lo pumpelh nan Polling Station bulah Political Party-te leh Candidate-te awm khawm nan Common Election Camp pakhat chauh siam phal a ni a, he camp hi mawimang thei ang bera siam tur a ni. Flag, Poster, Symbol leh thu ziak, Political Party emaw Candidate lam kaihhnawih ziahna engmah tar loh tur a ni. He camp-ah hian party tinte pawm tian theih tur, tualchhung mì (NGO/MPF) te duty tura beisei an ni. 

12. Reservation of Seat: Tun tum Inthlanpui hi roreltu thlannaah bung thar pawimawh tak kan kai chhunzawmna tur a ni a. Democracy bulthut rorelnaa hmeichhiate an tel ve ngei ngeina turin an tan Village Council tinah seat zuahsak bik a awm a, hetiangin:

Sub-section (2) of Section 3 of the Lushai Hills District (Village Councils) (Amendment) Act, 2014, as amended-in a sawi angin Village Counci member a zirin a hnuaia mi ang hian hmeichhiate tan chuh theih a ni, hetiangin:

(1) Village Council member 3 awmnaah hmeichhia 1

(2) Village Council member 5 awmnaah hmeichhia 1

(3) Village Council member 7 awmnaah hmeichhia 2

(4) Village Council member 9 awmnaah hmeichhia 3

Hmeichhia te'n an tana zuatsak bak General seat pawh an duh chuan an la chuh thei a ni.

13. Village Council Term: Kum 2015 atanga Village Council term kum nga (5) chu chhunzawm zelin, kumin inthianah pawh hian Village Council term hi kum nga (5) a ni ang.

14. Model Code of Conduct Model Code of Conduct chu ni 16.01.2025 chawhnu dar 2 atangin Khawzawl District huam chhhungah hman tan nghal a ni. He Model Code of Conduct hian Political Party zawng zawngte, Contesting Candidate zawng zawngte, Member of Parliament-te, Minister-te, MLA-te, MDC-te leh Corporator/Councillor-te, Village Council inthlannaa inhnamhnawih Public Servant te a huam ang.

15. Schedule of Election: Hetiang hian General Election to Village Councils, 2025 neih dan tura ruahmanna Schedule of Election siam a ni:

16. Ngenna: District Election Officer, Khawzawl chuan inthlanna felfai leh muanawm kan neih theih nan inthlanna buaipuitu, Political Party te, Media te, NGO te leh mipuite tawiawmna a ngen a. Mipui duh thlanna kal tlanga tualchhung inrelbawlna tha tak kan neih zui zel theih nana theihtawp chhuah theuh turin mitinte a sawm a ni.