263/2025-2026

Khawzawl, dated 22nd April 2025: Vawiin chawhnu dar 1 khan DC Meeting Hall-ah District Land Committee an thukhawm a, Khawzawl DC leh Chairman ni bawk Pu K. Vanlalthiana'n hun a kaihruai.

Chairman Pu K. Vanlalthiana chuan Settlement Officer leh Member Secretary ni bawk Pu Timothy R. Lalhmangaiha sawihawnna nei turin a sawm a, Pu Timothy R. Lalhmangaiha chuan mimal leh sawrkar department hrang hrang te'n ram an dilna chungchang ngaihtuah ho turin an thukhawm a ni tih a sawi a, heng ram an teh dan te, a ram awmna hmun te projector hmangin an tilang bawk a ni. Member te'n ram chu en hovin dilna lut te mal te tein an enfiah a, an sawi ho a, zawhna te leh ngaihdan te an sawi nual a ni. Chairman Pu K. Vanlalthiana chuan sawihona tha tak, ram dilna chungchangah dan ang taka kalpui a nih theih avangin lawmthu a sawi a, mipui leh khawtlangin an tangkai pui ngei theih a beisei thu a sawi a ni.

He hunah hian Khawzawl VC member te leh sawrkar department aiawh te kim takin an tel a ni.