1077/2026-2027 

Dated Khawzawl, the 19th June, 2026 : Vawiin khan Khawzawl District Land Committee chu Addl. DC Pu K. Zorammuana kaihhruaiin DC Conference Hall-ah an thukhawm.

He hunah hian Lungvara 2nd IR Batallion ramah Khawzawl SP Bungalow leh Lungvara 2nd IR Batallion firing range sakna tur chu pawm tlan a ni a. Hengte bakah hian mimal in sakna tura House Pass dilna leh huan siamten Periodic patta pass renewal dilna engemaw zat sawiho a ni bawk a. Periodic patta hi neitu channa a ni lova, sawrkar ram hawhna mai a ni a, hralh chhawn phal a ni lo tih inhriattir thar leh a ni.

Vawiin thutkhawmah hian SDO Pu Chandrakant Bagoria, DFO Pu Lalnunthanga, PHE SDO Er. Freddy Vanlalmuanawma, DIPRO Pi Lalchungnungi Lakher leh Village Council hotute an tel a ni.