442/2023-2024

Khawzawl, the 13th May, 2023: Nimin khan Khawzawl District Bawrhsap Pu K.Lalrohlua hovin District Level Narco Coordination Centre (NCORD) meeting DC Conference Hall Khawzawlah neih a ni a, Khawzawl District chunga hmalak tawh dan thlirletna leh hmalak zel dan tur sawiho a ni.

Pu K.Lalrohlua chuan ruihhloin khawtlang nun a tihchhiat dan leh ruihhlo do kawnga thawhhona tha neih a tul thu a tarlang a, ruihlo dona atana hman tur Sorkar atangin cheng nuai 5 leh sing 5 dawn a nih thu a sawi lang bawk. 

Meetinga-ah hian kumin kum kal meka damdawi hman sual leh ruihhlo thatloh zia inzirtirna (Awareness campaign) neih dan thlirlet a ni a. Meeting chuan May thla chhung hian Vankal, Vanchengpui, Chhawrtui leh Khawzawl khawpui chhung sikul hrang hranga zirlai naupangte zingah ruihlo thatloh zia inzirtirna, awareness campaign neih tura ruahman chu chak taka bawhzui ni se an ti bawk a ni. 

He hunah hian Pi PC Liansiampuii, SDPO Khawzawl chuan damdawi hman sual leh ruihhlo hman that loh zia inzirtirna awareness campaign hi April thlaa hlawhtling taka neih a nih thu a report a. Awareness Campaign hi Khawzawl Police, Health Department leh CodNERC DIC ten chanvo insemin khaw hrang hrangah an thawk chhuak thin a, hmun thenkhatah chuan a huhovin awareness campain hi an nei thin bawk a ni.

He meeting-ah hian a kaihhnawih Khawzawl DC Office-a Officer-te, Addl. SP leh SDPO bakah, Medical Department, Grace Camping Centre, Chhanchhuahna Home, Sub Hqrs. YMA Khawzawl, CodNERC leh Department hrang hrang aiawhte an tel a ni.