443/2023-2024
Dated Serchhip, the 12th May, 2023: Serchhip District Magistrate Pu HD Lalpekmawia, MCS chuan Champhai district chhung hmun thenkhatah Vawk natna African Swine Fever (ASF) a len mek avang leh Serchhip khaw chhungah ran natna Porcine Reproductive & Respiratory Syndrome (PRRS) nia rinhlelh Vawk damlo a awm mek avangin, ran vulh mekte him nan Sec. 144 of Cr.PC 1973 tlawh chhanin a hnuaia mi ang hian khapna thupek a chhuah.
1. Serchhip District chhungah ram dang (foreign countries) atanga Vawk, Vawksa leh Vawksa atanga siam eitur reng reng lakluh khap tlat a ni.
2. ASF hri lenna hmun (Champhai District) atangin Vawk, Vawksa leh Vawksa atanga siam eitur reng reng lakluh khap tlat a ni.
3. State pawn atanga Vawk lalut turte chuan Agricultural and Processed Food Product Export Development Authority (APEDA) approved firm atang chuahin an lalut thei ang. Tin, lalut tur ten Director, A. H & Vety. Department hnen atangin phalna an la hmasa ngei tur a ni.
4. Serchhip Town Area atangin Vawk, Vawksa leh Vawksa atanga siam eitur reng reng thawnchhuah khap tlat a ni.
5. Vawk hrisel tha chauh talh tur a ni a. Vawk damlo reng reng talh tura sawngbawl loh tur a ni.
6. Vawk damlo leh thi reng reng chu AH & Vety. Department thawktute hnenah hriattir vat tur a ni a. Vawk thi reng reng thuk taka phum bo tur a ni.
7. Vawk in leh a vel te Disinfectant (Bleeching, Chinai, Sodium hypochloride etc.) hmanga tihfai thin tur a ni a. Ran In intlawhpawh tawn loh tur a ni.
He thupek hian thu leh awm hma chu Order chhuah a nih a tanga thla 2 (two month) chhung a huam ang.
He thupek zawm lo chu section 188 IPC dan hmangin hrem theih a ni ang.
