444/2023-2024

Dated Serchhip, the 13th May, 2023: Nimin chawhnu khan Er. Lalrinawma, Minister, AH&Vety, Social Welfare & Tribal Affairs, etc., chuan a bial chhung khua Hmawngkawna hmasawnna hnathawh kal mek leh sawrkar hmunte a tlawh.

Minister chuan, khawtlang hmasawnna atana hmalak mekte leh khawtlangin a neih tawh sa te hman tangkai chu mipuite mawhphurna a ni a. Khua leh tui tha kan nih angin khawtlang hruaitute thu ngaichang chung zela kan hmunhma leh hmanruate kan chhawr thiam a pawimawh hle a ni, a ti. He khuaa sawrkar hnathawkten an harsatna leh mamawh an thlente chu a theih anga hma a lakpui tur thu a hrilh a ni.

Er.Rinawma hian Hmawngkawn khelmual laih mek, laih chhunzawn dan turte a en bakah Anganwadi Centre te, Government Primary School te leh MHIP In leh Health Clinic Centre-te a tlawh a, chumi hmuah Chhuanthar Tlangnuam atanga Tuipui panna Link-road laih mek a en leh a ni.

Minister hi Pu H. Lalroliana, Member, SEDP Sports & Tourism Development Board leh khawtlang hruaituten an tawiawm a ni.