445/2023-2024

Aizawl, the 13th May, 2023: Transport Minister Pu T.J. Lalnuntluanga chuan nimin khan Tripura Transport Minister Pu Sushanta Chowdhury chu Agartala-a a Pisa-ah hmuin June, 2023 atanga tawp mai tur nia hriat Aizawl to Agartala Flight Service chhunzawm zel dan tur chungchang a sawipui.

State pahnih Transport Minister-te inkawmnaah hian Aizawl to Agartala Flight Service chhunzawm zel a nih theih nana hmalak tulte sawilan a ni a. State pahnihte'n theihtawp chhuaha bawhzui tlan tha an tih thu an sawi a; Ministry of Civil Aviation leh Thlawhtheihna company thuneitute hnena ngenna siam nise an ti a ni.

Agartala Mizo Welfare Association (AMWA) hruaitute chuan Sorkar thil pawimawh avanga Agartala, Tripura-a zin Transport Minister, Pu T.J. Lalnuntluanga chu hmuin Aizawl to Agartala Flight Service June, 2023 atanga tawp mai tura hriat chungchanga hmalak pui tura an lo ngen bawhzuiin Transport Minister hian a tul angin hma a la a ni.