1432/2026-2027 

Dated Khawzawl, the 17th July, 2026 : Vawiin khan Khawzawl District Level Task Force on Child Labour chu Bawrhsap Pu K. Vanlalthiana, DLT on Child Labour Chairman ni bawk kaihhruaiin a pisa-ah World Day Against Child Labour puala NCPCR huaihawt Pan-India Rescue Rehabilitation 4.0 Khawzawl District-a kalpui dan tur relin an thukhawm.

India Danpui-in a sawi angin naupang kum 14 chin hnuai lam chu sikul kal lo emaw sikul kal theih loh phah emawa hmun hrang hranga chhawr an nihin ‘child labour’ a ni a. Kum 14 – 18 inkarte pawh nuunna atana hlauhawm thei hmuna chhawr khap a ni bawk a. Pan-India Rescue Rehabilitation 4.0 hi June 12 – August 31 chhunga neih tur a ni a, India ram pum huapa naupang hmun hrang hrang dawr, workshop, factory leh hmun danga chhawrte hmuhchhuah leh chhanchhuah beih runpui a ni. Vawiin thutkhawmah hian he Campaign kalpui dan tur rel niin, mawhphurturte ruat an ni bawk.