1433/2026-2027

Dated Champhai, 17th July, 2026: Vawiin chawhma dar 11 khan DC Conference Hall, Keifangtlangah Champhai Bawrhsap Pu Mohammad Aaquib kaihhruaiin Champhaia Independence Day 2026 hman dan tur rel a ni a, Champhaia Sawrkar Department, zirna in leh Bank hotute, zirlai pawl leh tlawmngai pawl hrang hrang aiawhte meeting ah hian an tel a ni.

Meeting kaihruaitu Champhai Bawrhsap Pu Mohammad Aaquib chuan India ram tana ni pawimawh berte zinga mi Independence Day ropui leh hlawhtling taka Champhai a hman a ni theih nan kalkhawmte chu an chanpual theuh ngai pawimawh a thahnemngai taka thawk ho tura chahin sawrkar hnathawk, zirlai leh khawtlang mipuite chu a lawmnaa tel vek turin a sawm a ni.

Meeting ah hian Independence Day 2026 hman dan tur chipchiar taka duan niin Department-te mawhphurna sem fel a ni a. Independence Day lawmna hi Chhangphut Field-ah chawhma dar 11:00 ah hman tur a ni a, field-a program hman zawhah Circuit House ah 'VIP's At Home' hun hman chhunzawm nghal a ni ang. Khuallian atan Dr. Vanlalthlana Education Minister beisei a ni.

He hunah hian Department hrang hrangte Fund Contribution pek tur zat bithliah nghal niin, Celebration Committee chuan department tinten ngai pawimawha an thawhlawm tur chu pe ngei turin a ngen a. Independence Day ropui taka lawm a nih theih nan mahni chanvo theuh tha taka hlen turin meeting chuan mawhphurhna latu zawng zawngte a ngen bawk a ni.