1434/2026-2027

Lawngtlai, 17th July 2026 : Vawiin chawhnu dar 2:00 PM khan Lawngtlai District Election Officer,  Pu Donny Lalruatsanga chuan a Office Chamber - ah Special Intensive Revision (SIR) 2026 chungchangah Chanchinbu mite a kawm.

Pu Donny Lalruatsanga chuan SIR 2026 kalpui mekah chanchinbu miten tha taka an thawhpui kawngah lawmthu a sawi a. Felfai taka SIR 2026 kalpui tura din District Level Standing Commitee ten tum 7 lai thutkhawm an neih tawh thu tarlangin, Hearing neih huna a tul anga tel ve tura BLOs VC,NGOs leh Party aiawh telna Village Level Standing Committee - din tawh a ni, a ti. July ni 4, 2026 khan SIR  2026 Draft Electoral Roll - tlangzarh tawh a nih thu sawiin, Roll - ah hian mi - 90,699 an awm mek a ni, a ti. Hemi kawnga thawktute - Election Branch, EROs, AEROs, BLOs, BLAs leh Supervisors - te thawhrimnaah leh Political Party leh mipuite tawiawmnaah lawmthu a sawi a.  Electoral Rolls- a inthun luh leh paih hun chu July ni 21 atanga August ni 4, 2026 thleng kalpui a ni ang a, September ni - 2 a zawhfel hman beisei niin, Final Electoral Roll - hi September ni 6, 2026 ah tarchhuah a ni ang, a ti. A hun taka SIR 2026 Final Electoral Roll - tlangzarh a nih theih nana mawhphurhna neite theihtawp chhuah tura chahin, Khawtlang hruaitu, Kohhran leh mipuite tha taka lo tawiawm turin a sawm nghal bawk.

Pu Collin Hlychho Election Officer (EO) chuan SIR 2026 kalpui dan tlangpui sawizauna a nei a. Draft Roll tlangzarh a nih hnuah insawifiah ngai (Anomalies)  "No Map"   bikah 36- Tuichawng - 567; 37- Lawngtlai West - 2359; 38- Lawngtlai West- 907 an awm a, "Discrepancy" bikah 36- Tuichawng - 14,807; 37- Lawngtlai West - 8,267; 38- Lawngtlai West- 5,466; an awm a ni. A vaiin  Lawngtlai District - a Assembly Constituency pathumah 'Hearing (insawifiah) ngai mi - 32, 373 an awm a ni.

Vawiin thutkhawmah hian EROs, AEROs, Election Officer, leh  MJA Lawngtlai District - te an tel thei a, Pu Donny Lalruatsanga chuan lawmthu sawiin hun a khar.