1435/2026-2027

Dated Aizawl, the 17th July, 2026 : Vawiin khan Reserve Bank of India (RBI), Aizawl chuan Thakthing Multipurpose Hall-ah MSME Townhall Meeting a buatsaih a. He programme-ah hian MSME entrepreneur-te, bank-a thawktute, sawrkar aiawhte leh development institution-te an kalkhâwm a, MSME sector-a remchanna leh harsatna awm theite an sawi ho.

Programme hi Pu T. Lhungdim, General Manager (O-i-C), RBI Aizawl chuan programme hi hawngin, MSME-te hi hna siam thar kawng te, entrepreneur siam chhuah kawngah leh ram economy hmasawnna hi mi tinin an hlawkpui theihna kawngah pawimawh tak an ni tih a sawi a. Mizoram-ah MSME-te tana formal finance hman theihna a zauh zawk leh MSME ecosystem tih chak zual a ngaih pawimawhzia a sawi bawk a.

Er. Lalhriatpuia, Deputy Commissioner, Aizawl, Pu Lalhmunsiama, Additional Director, Commerce & Industries Department, Aizawl, Pu Bhaskar Manta, GM OIC, NABARD, Pi Sheryl L. Vanchhong, Chairperson, MRB, eh Pu Harshad Kuware, Assistant Director, DFO–MSME te pawhin thusawina hun an hmang a ni.

Townhall Meeting-ah hian State Bank of India, Mizoram Rural Bank, bank hrang hrang leh Ministry of MSME aiawhte chuan MSME financing chungchanga thupui hrang hrang, RBI, Central Government leh State Government-ten hmalakna an neihte sawina hun an hmang a. Pu Harish Vedi, AGM leh Pu Lalrosiama, Manager, RBI Aizawl te kaihhruaiin interactive question-and-answer session neih a ni a. He session-ah hian programme chhimtute tan bank leh institution hrang hrang official-te hnena zawhfiah duh an neihte, credit chungchang zawhfiahna leh enterprise an tihpunna tûra support mechanism awmte zawhna hun pek an ni.

Programme-ah hian MSME entrepreneur-te, bank-a thawktute, sawrkar department hrang hrang leh stakeholder dangte thahnem tak an tel a ni.