2393/2026-2027

Dated Khawzawl, the 28th September, 2026 : Vawiin khan Khawzawl District Sanitation Task Force chu an Chairman, Khawzawl Deputy Commissioner ni bawk Pu K. Vanlalthiana kaihhruaiin DC Conference Hall-ah an thukhawm.

He thutkhawmah hian Swachhata Hi Seva denchhena activity hrang hrang neih dan tur rel a ni a. Ram chhung hmun dang rualin October 1, 2026 zing dar 8-a Ek Din, Ek Ghanta, Ek Saath neih turah school naupangte nen Taidankawn atanga Mualvawm Field thleng hnatlang neih tura rel a ni a. SafaiMitra Suraksha Evam Samman hnuaiah faina lama thawktute (sanitation worker) tan September 30, 2026 ah free health checkup neih tur a ni a. Khawzawl District chhung school hrang hrangah Ek Ped Maa Ke Naam hnuaiah thingtiak phun kalpui mek niin, Swachhata Pakhwada hnuaiah faina lam inzirtirna te, intiamna sawi ho te leh faina hnatlang te neih a ni bawk.