2394/2026-2027

Kolasib, 28th September, 2026: Vawiin chawhma dar 10:30 khan D.C's Conference Hall-ah Kolasib Bawrhsap Pu H. Dolianbuaia kaihhruaiin District Level Nasha Mukt Bharat Abhiyaan Committee leh District Level Drug Demand Reduction Committee te an thukhawm. He thutkhawmah hian 'Action Plan for District Drug Demand Reduction' chungchang sawiho a ni.

Thutkhawm kaihruaitu Bawrhsap Pu H. Dolianbuaia chuan thutkhawmna koh a nih chhan sawiin, ruihhlo dona hi sorkarin a ngai pawimawh takzet a ni, a ti. Nasha Mukt atan Kolasib district chhungah pawh hmalakna hrang hrang kalpui tawh a nih thu a sawi a. School, college, tlawmngai pawl (NGO) leh kohhran huangahte pawh he ruihhlo dona campaign hi neih thin a nih thu a sawi bawk. Vawiina ruihhlo mamawhna tihhniam (demand reduction) chungchanga an thutkhawmna chu a pawimawh hle tih sawiin, hma lak zel dan turah kalkhawmte chu an ngaihdan leh rawtnate thawh theuh turin a sawm a ni.

He hunah hian Kolasib Addl. SP pawhin report pein, ruihhlo laka fihlim tura mipuite hnena inzirtirna (awareness) an lo kalpui tawh dante leh ruihhlo an lo man tawh zatte a tarlang a. Committee member kalkhawmte pawhin anmahni huang theuha ruihhlo dona kawnga hma an lak dan hrang hrangte leh hmalak zel dan tur an sawiho bawk.

Vawiin thutkhawmah hian ruihhlo dona kawnga hmalak chhunzawm dan tur rel nghal a ni a. Ruihhlo that loh zia inzirtirna (awareness) hi a tam thei ang bera neih chhunzawm nise, a bik takin target group ang zawnga uluk taka kalpui ni se an ti a. Zirtirna thehdarh tur hian mithiamte rawih ni se, tin, mipuite hnena ruihhlo that loh zia uar zawka puanzar a nih theih nan social media hmangin hei aia nasa hian tan lak ni se tihte an rel a ni.