2395/2026-2027

Lawngtlai the, 28th September, 2026 : Vawiin chawhma dar 11:00 AM khan 'Lawngtlai District Level Task Force on Immunization' chuan an Chairman leh Bawrhsap nibawk Pu Donny Lalruatsanga kaihhruaiin DC Conference Hall -ah thutkhawm an nei.

Pu Donny Lalruatsanga chuan member kalkhawmte hnenah lawmthu a sawi a. Vaccine - a hun taka lâk hi naupang hriselna kawngah leh mipui nawlpui tana hriselna tha zawk thlen turin a pawimawh hle a ti. HIV/AIDS hi sorkar laipuiin a ngai pawimawh em em a, AIDS vei kan hmuh chhuah ngei ngei a ngai a, Mobilization of AIDS Suraksh leh Intensified IEC Campaign 3.0, hnuaiah za zela 95% tlin ngei a ngai a ni, a ti bawk. Lawngtlai District chu a zauin khua pawh a tam hle a, inkalpawhna kawng tha lo leh thawktu indaih lohna awm bawk thin nen immunisation- ah sân a har hle a, chutih rualin theih ang anga hmalak a pawimawh hle a ni, a ti. Lawngtlai District chhunga HIV positive hmuhchhuah leh enkawl bakah natna hrik umbo a nih a, mipuiten hriselna tha zawk an neih theihna tur kawngah theihtawp chhuah zel a nih tur thu a sawi a. Khawtlang hruaitute leh mipuite thawhpuiah a sawm nghal bawk a ni.

Dr. Ramlalnghaki, Deputy CMO chuan Mobilization of AIDS Suraksh leh Intensified IEC Campaign 3.0, Lawngtlai District report peiin, za zela 95 % tlin turin 1st 95 ah 91%, 22 nd 95 ah 92% leh 3rd 95 ah 94% a nih thu ngaihthlak a ni. 1st 95 achieve turin Lawngtlai Distric- t ah khaw 20 ah kal in, khaw - 10 kal hmabak ala awm thu sawiin, Dt.08-23, September, 2026 chhungin NTEP leh NCD te nen tangdunin 'Commercial Vehicle Drivers' leh General Population- ah Health Drive neih a ni a, LCMC Silver Jubilee lawmna free Clinic leh YLA Day Programme - ah 'HIV Screening' neih a ni, a ti. Khaw 25 a Intensified IEC Campaign 3.0 kalpui turah khaw 11zawh tawh niin, HIV Screened - 324 atangin Reactive -3, Confirm Positive -3 leh ART Linkage - 1 awmjn, School Covered hi -37 ah kalphi tawh bawk a ni. 1st April - 26th September, 2026 thlengin Screening -5,402; Diagnosed Positive- 25, ART Linkage -22 anih thu ngaihthlak a ni.Blood Bank lam atangin April, 2025- March, 2026 chhung report ngaihthlak niin Blood Donation Camping -49, Camp Collect - 1118, Walk-in - 91, Voluntary -1209, Replacement- 269, Blood Collect - 1478, Blood Issued -1432 leh Blood Discard -76 a nih thu ngaihthlak a ni bawk. National TB Elimination Programme, Lawngtlai hmalaknain , January - August, 2026 chhung khan TB Notified -97 awmin, MDR TB-2 a nih thu ngaihthlak a ni a, Lawngtlai District a Immunization April - August, 2026 chhung report ngaihthlak niin CHC, PHC leh MC ah 2026-2067 Infant Target(0- 1 years)-2,306 niin August thla thleng kham 961 niin, Fully Immunised-669 niin za zela 70% a ni mek a ni. National Immunization Day, 1st July, 2026 a CHC, PHC , MC wise coverage ah 0-5Years target - 12,140 niin, vaccinated -10,670 niin za zela 87.9% a ni.

Thutkhawmah hian Lawngtlai District Level Task Force on Immunization - te an tel tha hle a, Bawrhsap chuan lawmthu sawiin hun a khar.