3741/2024-2025

Khawzawl, dated 29th October, 2024: Vawiin chawhma dar 10:30 a.m khan DC Meeting Hall-ah SANKALP hnuaia District Skill Development Plan (DPSP) sawi ho turin District Skill Committee an thukhawm a, Khawzawl Deputy Commissioner, Pu K. Vanlalthiana chu chairman niin hun a kaihruai.

He hunah hian Pu Elijah L.H. Sanga, SDC chuan District Skill Development Plan (DPSP) 2024-25 sawi zauna neiin PowerPoint presentation a pe a. Khawzawla hna thawk zat te, eng hna nge an thawh tih te, hna bik thawk tura inzir mek awm zat leh eng hna atan nge an zir tih te, district a pem leh chhuahsan te a sawi lang a, Khawzawl district thatna leh hnufualna hrang hrang te sawiin thiamna inzirtir mamawhna a san thu a sawi a.

Presentation zawh hian committee chuan action plan kalhmang leh kal zel dan tur an rel ho a, inzirtirna tha zawk, Khawzawl mipuite mamawhna nena inmil pek a tul thu te an sawi a. District chhunga khaw hrang hranga hlawhtlinna lo hmu tawh te, food processing lamah te, marketing lamah te an sawi lang a, hetiang hlawhtlinna a awm zel theih nan skill training mumal tak siam dan tur an ngaihtuah a ni. DC Pu K. Vanlalthiana chuan mi tam berin thiamna an chhawr chhuah theih nan DPSP hi hman tangkai a pawimawh hle a ni tih a sawi a, department te tan laa training hrang hrang mahni theih ang anga kal zel turin a fuih bawk a ni.

He hunah hian DC Office hnuaia officer te leh department thenkhat hotute an lo tel a ni.