4426/2024-2025

Khawzawl, dated 25th February 2025: Vawiin chawhnu dar 2 khan DC Meeting Hall-ah District Skill Development Plan (DPSP) chungchang sawi ho turin District Skill Committee (DSC) an thukhawm a, SDO (Sadar) Pu Suvigya S. Chandra, IAS leh SDC leh member-secretary ni bawk Pu Paul Rokima'n a kaihruai a ni.

He hunah hian office hrang hrang hotute'n skill development leh training lampanga hma an lak tawhna te an sawi hlawm a, heng training atanga hna hmu an awm leh awm loh te, eng chin nge an thlen tih te an sawi. Kum thar atana DSDP mumal a awm theih nan office thil tum te thehlut turin member-secretary Pu Paul Rokima'n a chah a, hna mi tam thei ang berin an hmuh theih nana hetiang inzirtirna hi ngai pawimawh turin a chah bawk a ni.

He hunah hian office hotute bakah YMA Sub Headquarters President Pu PC Rosiama a tel bawk a ni.