4425/2024-2025

Dated: Mamit the 25th of February, 2025 : Vawiin khan National Tobacco Control Programme and Mobile Medical Unit leh District Mental Health tangkawpin 4th IR Bn. Mamit Luangpawlah TB Umbo beihpui thlakna 100 Days Campaign Dr Lalhlunpuii, Sr. CMO hovin hun hman a ni.

He hunah hian Dr. Lalhlunpuii chuan TB natna umbo tura veina tak tak nena hmalak chu thil tul tak a nih thu a sawi a, 4th IR Bn. hmuna awm mekte chu TB natna laka fihlim tura hmala tur leh TB natna chu langchhuak nghal mai lo a awm avangin TB natna laka kan fihlim leh fihlim loh kan chhungte/ chenpuite pawh intest-na chang hriat chu thil finthlak tak a nih thu sawiin, TB umbo na kawngah nasa leh zuala tanrual leh inven kan mamawh thu a sawi.

He hunah hian rilru hrisel,zuk leh hmuam do,TB umbona kawngah Pu Lalthlamuana Hrahsel, Psychiatric, District Mental Health, Dr Nancy Lalnunmawii, Consultant National Tobacco Control Programme, Pu Vansangliana, Senior Treatment Supervisor te'n subject thlan bik hmangin thusawina an nei a, Pu VL Hmangaihkima, Senior TB Laboratory Supervisor, National TB Elimination Programme kaihruaina-in TB do tura thutiam sawirualna neih niin Pu Hmingchungnunga, Senior DOT Plus TB, HIV Supervisor chuan lawmthu sawina a nei bawk.

Awareness Programme hman zawh hian TB screening leh Health checkup neih nghal a ni a, IR a hnathawk a awm zawng zawng endik nghal an ni.

Mamit District huamchhungah 100 Days neih mekah hian mi 3036 Vulnerable Group te Xray hmanga screen tawh an ni a. Heng zingah hian khaw 5 atangin mi 7 TB vei hmuhchhuah an ni tawh. Campaign hi March 2025 thla tawp hma a neih zawh hman tum a ni.