4128/2025-2026

Khawzawl, dated 23rd January 2026: Vawiin chawhma dar 11 ah khan Khawzawl DC Auditorium-ah District Water & Sanitation mission (DWSM) meeting neih a ni. Meeting hi Khawzawl Bawrhsap leh Chairman, DWSM Pu K. Vanlalthiana'n a kaihruai.

Member Secretary Er. Liantluanga Chohte, EE, PHED chuan PowerPoint presentation hmangin JJM hnuaia Department hmalakna te, Khawzawl District chhunga Jal Seva Aankalan kalpui mek a nih thu te, Jal Aapran Diwas atan khaw hnih Sialhawk leh Khuallen thlan a nih thu te leh RPWSS chungchang a Department hmalakna Member te a hrilhfiah a ni.

DWSM Meeting-ah hian JJM Guideline angin District Technical Unit (DTU) chu din tura chhawp chu pawm a ni. Khawzawl District chhunga leiverhna hmanga tui siak chhuak te panga an awm thu ngaihthlak a ni a, hengah te hian pathum chauhin phalna an dil a, midang leiverh an awm chuan dan anga hrem theih an ni a, dan anga hma lo la zel turin DWSM chuan PHE leh mawhphurtu dangte a phut bawk a ni.