4589/2025-2026

Khawzawl dated 24th February 2026: Vawiin chawhnu dar 3 khan khawzawl DC Auditorium-ah District Water & Sanitation Mission (DWSM) meeting neih niin Khawzawl Bawrhsap leh Chairman ni bawk Pu K. Vanlalthiana'n a kaihruai.

Khawzawl Bawrhsap Pu K. Vanlalthiana chuan meeting a lo kal khawm te chu lo lawmin, member te chu an hma lak tawh te chu a that zia thu a sawi a, an kal leh zelna turah a aia nasaa tan la turin leh a aia tha zawka an thawh ho zel a beisei thu sawiin tui ren a tul zia leh tan a pawimawh zia te a sawi bawk a ni.

District Water & Sanitation Mission (DWSM) review meeting-ah hian Jal Jeevan Mission te, SBM-G te leh Jal Sanchay Jan Baghidari (JSJB) hnuaia an hmalak tawh te, an thawh mek te leh an kal zel dan tur te en ho a ni. Meeting hmasaa CMO in Health and Wellness Centre hrang hrang te'n tui lama harsatna an tawh chu PHE-in an hma lak dan te sawi hoin an kal zel dan tur ngaihtuah zui nghal a ni.