No.7654/2020-2021

Vawiin chawhma dar 11:00 khan Pu Lalrohlua, Additional DC hovin Khawzawl District-a CSC Operator-te leh DC Office-a  e-District khawihtute chu DC Conference Hall-ah an thukhawm a, he hunah hian zau zawk leh tangkai zawka e-District kalpui dan tur an sawiho a ni.

Vawiina meeting-ah hian e-District chu Khawzawl District mipui tam zawk banphaka chhawp hnaih lehzual a nih theih nan CSC hawn belh dan tur ngaihtuah a ni a. e-District kaltlanga service tam zawk pekchhuah a nih theih nan sawrkara rawtna thlen tha tih a ni bawk. 

Khawzawl District-ah hian October Ni 16, 2020 atangin e-District kalpui tan a ni a. Tun dinhmunah Khawzawl, Khawhai, Chhawrtui, Kawlkulh leh Sialhawk-ah te CSC operator pakhat theuh awmin, October Ni  16, 2020 atanga vawiin thlenga certificate hrang hrang pekchhuah tawh zat hi 1,060 a tling tawh a ni.