No.7655/2020-2021

Nehru Yuva Kendra (NYK) Lawngtlai District huaihawt, thalai kut hna thawktute nen tang tlanga thlai chi pho chhuah leh hralh chhuah (Young Farmers' Seed Exhibition cum Sale) chu vawiin khan Lawngtlai Bazar Venga Areopagy hmunah buatsaih a ni.


NYK Lawngtlai District hnuaia thalai kut hna thawktu (young farmer)-te'n thlai chi mahni mamawh tawk aia tam (a chuang) an neih angte theh khawmin, NYK bul tumin an fun a. He'ng hi thlai chi mamawhte'n awlsam taka an ban phak theih nan a chhek khawlna, "Young Farmers' Seed Bank" siam a ni a. Hei hi a tum khat nan vawiin khan pho chhuah a, hralh chhuah a ni ta a ni.

Vawiina thlai chi pho chhuah hi chi hrang 30 niin, a zavaiin fun 300 chuang ani a. He'ng thlai chite hi, man tlawm te, (black rice, moringa leh bete tih loh chu) fun khat Rs 10/- zelin hralh chhuah a ni.

Thalaite mi thar chhuah sa thlai eitu mai ni lo va, a thar chhuaktu zawk nih tum tura fuih phurna leh kawng kawhhmuhna atana Young Farmers hma lakna hi NYK Lawngtlai District hnuaiah District Youth Coordinator Pi Mercy Sellate-in bul a tanpui a ni a. Thalai kut hna thawk mite, kut hna thawh lama tuite leh ei leh bara intodelh lam vei mite'n awmze neia hma an lak ho nana din a ni.


Attachment

  • Loading attachment...