3578/2024-2025 

Khawzawl, dated 28th November 2024: Vawiin khan Greater Khawzawl Water Supply Scheme (Pumping) Khawzawl khawpui chawmtu chu PHED Engineer-in-Chief, Er. Lalrothanga chuan a tlawh a, Er. H. Duhkima, Chief Engineer Zone-II; Dr. ZR. Ṭhasangzuala, EE (Planning) CE Zone-I; Er. Thanchungnunga, Superintending Engineer; Er. Liantluanga Chohte, Executive Engineer; Er. Eliza Vanlalpeka, SDO leh thawktu dang ten an ṭawiawm.

Khawzawl District chhung a tui lak hrang hrangte dinhmun chiang zawka zirna hmun tur sak mek, District Laboratory chu a hmunah tlawh in a enfiah a, kumin chhunga peih fel ngei a nih theih nan thawktute hma la turin a hrilh. Tin, Greater Khawzawl WSS (Pumping) Khawzawl khawpui chawmtu Tuichang Lui Pump House ah kalin, Intake weir dinhmun te zirchian a ni. Tin, furpui lo thleng leh tur hmachhawn tura lo inbuatsaih dan tur te thlir ho a ni a, Christmas lo thleng tur mipui ten hlim taka an hman theih nan theihtawp chhuah turin thawktute a fuih bawk.