No.7410/2020-2021 

Nimin(1st February, 2021) khan Mizoram Youth Commission (MYC), Commerce & Industries department, EDC Mizoram leh Planning & Programme Implementation department-te tangkawp buatsaih nithum awh tur,  Entrepreneur Development Programme Training chu Khawzawl district mi leh sa hmun danga hnathawka eizawng, Covid-19 hrileng vanga lo hawte pualin vawiin khan Zaingen YMA Hall-ah neih tan a ni. Hawnna hunah hian Pu Zothanmawia, Deputy Commissioner, Khawzawl District chu Khuallian a ni a, training hi a hawng a ni.

Training tur hian Khawzawl District chhunga Migrant worker 32 te thlanchhuah an ni a.
Hawnna inkhawm hi Pu Lalrinawma, Functional Manager, DIC Champhai chuan a kaihruaia, training tura thlanchhuah mi 32 te hnenah Khuallianin T-shirt leh Training atana material pawimawhte a sem zui a ni.

Training hi chawhnu lamah tan nghal niin Pu Ramnundanga, Assistant Professor, Govt. Champhai College, EDS Master Trainer chu Resource Person a ni.