No.7411/2020-2021
Sorkar Order No. B. 13021/101/2020-DMRNol-ITI dated 16.01.2021 a tel Inkaihhruaina, No. B. 13021110112020-DMR/Vol-II dated 16.01.2021 zuiin Mizoram pawn atanga lo lut khualzinte phurh chungchangah a hnuaia tar lan ang hian thupek siam thar ani a. Hei hian Hriattirna vide No.C.160111298/2020-DC(A)/351 dt. 02.12.2020 chu a luahlan nghal ang a, thu leh awm hma atan hman tur ani ang:
1. Mizoram pawn atanga khualzin lo lutte zinga Quarantine ngai lo te chuanna tur motor chungchangah inkhuahkhirhna hranpa a awm tawh lo ang a. Kalphung awm sa, e.g: motor seat capacity aia tam chuan loh tur tihte, a chuangte’n face mask vuah vek tur tih leh hand sanitiser chhawp leh hman tur tihte hi zawm zel tur a ni ang a. Driver leh Passenger-te’n COVID-19 laka himna atana tul an tih angin ruahmanna an insiarn belh thei ang.
2. State pawn atanga lo lut, quarantine tulte tana kaihhruaina: -
(1) Quarantine ngaite hruai nana mahni private/ Department/ Company motor hmang turte’n anmahni veng/khua Task Force te hnen atangin hriatpuina an la hmasa tur a ni a, Motor wind shield-ah “COVID-19 Passenger Vehicle” tih sticker/lehkha ziak chiang takin mipui hmuh theih turin bel tur a ni.
(2) Taxi/ Maxi Cab hmang turte’n Task Group on Commodities and Transport-in he mi atana motor hman tur bik a ruat (empanelled vehicles) te chauh an hmang tur ani.
(3) Lengpui Airport an chhuahsan hmain emaw, Aizawl District-a an lo luh hmain an quarantine-na tur hmun ruat chu Mobile No. 8259909355-ah Officer in-charge biain an hre hmasa ang a. Chu hmun chu mihring chenna hmuna bazar chawl muang lovin an pan ding zel tur a ni.
(4) An chuanna tur motor-ah-
(a) Driver cabin/ Driver thutna tlar leh Passenger te thutna inkarah uluk takin indaidanna sarang zar ngei tur a ni a.
(b) Driver bul (front passenger seat) emaw Driver Cabin bik huam chhunga thutna awmah, a lo hmuaktu mi dang/ Personal Security Officer (PSO) emaw, khualzin lo thleng zinga quarantine tul lo emaw chu seat capacity pel lovin an chuang tel thei ang.
(c) Motor atangin quarantine turte’n motor pawn lamah an thil khawih hnu an paih chhuak emaw, chil an chhak tur a ni lo va. Motor-a an hnawmhnawk te chu mi dang khawih mai loh turin an senghawi vek bawk tur ani.
(5) Quarantine turte bungruate chu sanitise hnuah emaw, ni hnih chhung dah hran hnuah emaw chauh quarantine loh turte ‘n PPE hmang Iovin an tawk/ khawih thei ang.
(6) Home/ Hotel quarantine tur an nih chuan, an thlen hunah a bialtu Local Level/ Village Level Task Force te hnenah an thlen thu an hriattir zel ang.
(7) Khualzinte quarantine-na hmuna indah fel hnuah an chuanna motor chu sanitise a nih phawt loh chuan thil dang atan hman loh tur a ni. State pawn lam motor rawn hman a nih chuan, Driver chu, cham zui thei tura phalna nei a nih loh chuan, a motor nen mihring chenna hmuna chawl khawmuang lovin a let leh nghal ang. He kaihhruaina bawhchhia chu ‘The Mizoram (Containment and Prevention of the Spread of COVID-19) Act, 2020’ hnuaiah hrem theih an ni ang.
He Order hian Gauhati High Court-a Hon’ble Judge te chungchang a huam lo ang.
