2542/2024-2025

Khawzawl, dated 16th October, 2024: Vawiin chawhma dar 11:00 a.m khan DC Meeting Hall-ah Khawzawl district chhunga buhbal, thlai leh sa hmanga eizawnna mumal tak siam chungchangah meeting neih a ni a, Addl. Deputy Commissioner, Pu Lalfakzuala'n meeting hi chairman niin a kaihruai a ni.

He meeting-ah hian buh, alu leh hmarcha chin chungchang bakah arsa, sangha, kel sa leh artui hmanga intodelhna siam chungchang rel a ni a, hetiang eizawnna hmang mi tam zawkin an hlawk pui theih dan sawi ho a ni. Thlai chinna lama harsatna chi hrang hrang, tui harsatna te, kawng tha tawk lo te, hralhna tur hmuh hnem tawk loh te leh thil danga tanpuina pek dan tur te sawi ho a ni a, ransa vulhte tan hlawk zawk leh zau zawka sa leh artui hralh theih dan tur te sawi ho a ni bawk. Chairman Pu Lalfakzuala chuan meeting hlawk thlak tak a nih ngei a rin thu a sawi a, kalkhawmte chungah lawmthu sawiin tul ang zela taima taka hma la zel turin a fuih a ni.

He meeting-ah hian SDO (Sadar), Pu Suvigya S. Chandra; BDO, Pu Timothy R. Lalhmangaiha; SDC, Pu Elijah L.H. Sanga leh department hrang hrang hotute an tel a ni.