4570/2023-2024

Khawzawl, 15th April, 2024: Vawiin khan Khawzawl DC Office-ah Lok Sabha Inthlanpuia hman tur a thlan chhuah tawh te zinga la tel ve lo Electronic Voting Machine (EVM) chuang bang (supplementary) te chu tul thut a awm palh taka hman theih turin thliar (randomise) leh buatsaih (Commission) fel an ni.

EVM Randomization leh Commissioning te hi Khawzawl Bawrhsap Pu K. Lalrohlua, Assistant Returning Officer ni bawk kaihhruaiin neih a ni a. Political Party hrang hrang aiawh te an tel bawk. He hunah hian Ballot Unit 5, Control Unit 8 leh VVPAT 6 te chu hman theih tura thliar leh buatsaih fel an ni.

Vawiina EVM thliar leh buatsaih fel tak te bakah hian Training-na atana hman mek EVM pathum a la awm a. Heng EVM te pawh hi April ni 17 a Polling Official te training neih zawhah a thla venga awm ve turin thliar leh buatsaih fel an ni ve ang.