848/2023-2024

Khawzawl, the 19th June, 2023: Kumin kumtawp a MLA General Election neih tura atana inpuahchahna kalpui mekah vawiin khan 22-Tuichang Assembly Constituency huamchhunga hman tur khawl thar Voter Verified Paper Audit Trail (VVPAT) 9, EVM Controlling Unit (CU) 30 leh Balloting Unit (BU) 6 that leh that loh endikna, User Acceptance Test (UAT) chu Election Officer Pu Timothy R. Lalhmangaiha hovin Block BNRGSK Building, Khawzawlah neih a ni. He hunah hian Election Staff-te bakah Political Party hrang hrang aiawhte an tel a ni.

Ruahman dan chuan naktuk atangin Dy. DEO Khawzawl Pu Lalfakzuala hovin Block BNRGSK Building, Khawzawlah tho hian EVM leh VVPAT endikna First Level Checking (FLC) on EVMs/VVPATs neih a ni dawn a. First Level Checking neih turah hian MLA General Election 2023, kumin kumtawpa neih tura 22-Tuichang Assembly Constituency-a inthlanna kaihhnawiha hman tur VVPAT 51, CU 95 leh BU 55 te endik a ni dawn a ni.

VVPAT leh EVM te hi endik dawnah DC Office Building thara Strong Room atangin venhimna khauh tak hnuaiah la chhuakin endikna neih zawhah venhimna uluk tak hnuaiah an dah lut leh nghal zel a ni.