847/2023-2024

Lunglei the 19th, June' 2023: Vawiin chawhma khan Pu Liansangzuala Chhakchhuak, Addl. Deputy Commissioner, Lunglei kaihhruaiin DC's Conference Hall ah Core Committee on Ruihhlo Do leh District Level Nasha Mukt Bharat Abhiyaan Committee, Lunglei te tangkawp in June ni 26, 2023 Damdawi hman khawloh leh dan lova damdawi tawlh dona ni International Day Against Drug and Illicit Trafficking 2023 hmandan tur rel a ni. Kumin thupui atan hian People First, Stop Stigma and Discrimination,Strengthen Prevention (Mihring ngaihven hmasak: thinhrikna leh thliarhranna tih tawp a, invenna tih chak) tih a ni.

Meeting chuan International Day Against Drug and Illicit Trafficking 2023 chu Saikuti Hall ah zing 11:00Am ah Programme hman tura tih a ni a, Chairman ah Pu Donny Lalruatsanga, Add. Deputy Commissioner ruat niin, Khuallian atan Pi Ramdinliani Deputy Commissioner Lunglei , thusawi turin Pi Lalnunzami Chawngthu, Chhawmdawlna In Melte leh Pu Jonny Malsawmliana WADA te ruat an ni a, lawmthu sawina nei turin Pi Lalrinkimi Hmar, DCPO ruat ni bawkin zaithiam te zai tura sawm ni bawk se tiin an rel a ni. He hunah hian Committee member, Kohhran hruaitute leh High School leh Higher Secondary School naupang sawm tura tih an ni bawk.

Vawiin meeting ah hian sorkar official te, Police, Child Welfare Committee, Juvenile Justice Board WADA, Chhawmdawlna In, Kohhran hruaitute, leh YMA te an tel ani.