846/2023-2024

Mamit 19th June, 2023 : Tukin dar 2:30 vela Mamit Vengthara leiminin a hnawl Pi Rokhawmthangi (L) te chenna in chu vawiin khan Er. Lalrinawma, SW&TA, AH&Vety, E&N leh Sericulture Minister chuan a hmunah a tlawh a. Minister hi Pu V.L.Remliana, Mamit District Bawrhsap, Chairman, District Disaster Management Authority chuan a tawiawm bawk.

Minister hian vanduaina tawk chhungkuate tanpui nan hian DM&R atangin ₹1,30,000/- (Nuai khat sing thum) a hlan bakah hnatlangte thingpui inna turin Hmarveng VCP hnenah ₹5000/- (sangnga) a hlan a. Tukin khan Bialtu MLA Er. H. Lalzirliana pawhin vanduaina tawkte tanpui nan hian ₹5000/- (sangnga) a lo hlan tawh bawk a ni.

Leiminin a tihchhiat tak hi Assam Type, zopa chhiara chhawnghnih niin, a chung leh hnuaiah hian in neitu Pi Rokhawmthangi (L) tu leh fate an cheng mek a. Vanduaina thlen lai hian hmun dangah an riah chhuah vek avangin thi leh hliam erawh an awm lo a ni.