2145/2022-2023

Khawzawl, the 1st October, 2022: Mizoram Faina Hapta tum 46-na, October ni 1 atanga 8, 2022 chhunga hman tur chu tukin khan Khawzawlah District Bawrhsap Pu C.C. Lalchhuangkima chuang a hawng a, faina hnatlang neih chhunzawm nghal a ni.

Hawnna inkhawm tawi Zaingen Branch YMA Hall kawta neihah khuallian Pu C.C. Lalchhuangkima chuan faina chu faina hapta leh intihsiak avang ringawt ni lovin engtik lai pawha kalpui reng a tul thu a sawi a. Faina chu ram changkang tehna a nih thu leh Khawzawl dinhmun chu faina hmangin thui tak a hriat theih tur thu a sawi bawk a. Mahni in leh lo leh veng chhung tifai nasa lehzual turin mitinte a sawm a ni.

He hunah hian bawlhhlawh tawih thei leh thei lo thliarhran chungchang inzirtirna tawi Pu B.Hmangaihtluanga, Inspector of Sanitation, UD&PA Department hnen atangin ngaihthlak a ni a. Hun hman zawh hnu hian mahni veng huamchhungah VC te kaihhruainain hnatlang neih chhunzawm nghal a ni.

Hawnna inkhawm tawi neihna hunah hian veng 3, Darngawn, Zaingen leh Arro Veng atangtein mipui an kalkhawm a. Veng dangte pawhin anmahni remchan dan angin hnatlang tan hmain hun tawi an hmang thung a ni.

Faina hapta denchhen hian Khawzawl town area pumah hnatlang neih a ni a. District Bawrhsap Pu C.C. Lalchhuangkima, DUDO Pu James Lalnithanga, Addl. SP Pu Lalringliana  leh SDC Pu Obed Lalmalsawma ten hnatlang te hi a hmunah an tlawh a, an hnathawhte an enpui a ni.

Attachment

  • Loading attachment...