2146/2022-2023

Mamit 1st October, 2022 : Vawiin khan Pu Lalmalsawma Pachuau, IRS, Secretary, Planning and Programme Implementation Department, Gov.t of Mizoram, State Prabhari Officer, Aspirational District Programme ni bawk chuan Bawngva, Darlak leh Nalzawl khuate a tlawh.

State Prabhari Officer hian Bawngva khua-a Community Hall sak mek tlawhin Darlak khua-a Health Sub-Centre leh Anganwadi Centre - II te a tlawh nghal bawk.

Pu Lalmalsawma Pachuau hian Nalzawl Oil Palm Compact Area tlawhin, VC Hall-ah Pu Ramtinchawma, VCP kaihhruaina-in inkawmhona neih a ni a, Prabhary Officer chuan hmasawnna hnate mipui te'n vil zui a, monitor that a pawimawh thu sawiin, thil felhlel a awm a nih pawhin thuneitu sang zawkte hnenah thlen zel turin a chah a.

Pu Remruatfela, President Oil Palm Growers Association, Nalzawl-in report a pek danin Nalzawl khua-ah hian In 62 te'n Oil Palm hi an ching a, ram 169 hec a zauah chin a ni. Oil Palm tharchhuah zat hi:-

kum 2020-21 - 19161.52 qt.

Kum 2021- 22 - 79972 qt.

Kum 2022- 23 August thla thleng - 6736 qt. tharchhuah a ni.

Nalzawl khua hi National Highway atanga km 8 a hla-a awm niin Pu Lalmalsawma, State Prabhary Officer hi Highway peng atang hian Tractor-a thlengin DC Mamit leh Addl. DC bakah Officials dang te'n an tawiawm a ni. Nalzawl Oil Palm compact area kawng siamthat nan hian Rs 29 Lakhs estimate approved ni tawhin a chhe zuallai siam that thuai a ni dawn a ni.

Vawiin vek hian JNV Permanent Campus, Mamit tlawhin building sak mek chu an sakna a rei tawh ngaihtuahin tun thlenga sak zawh a la ni lo chu pawi a tih thu a sawi a, chak thei ang bera sa a, a sak zawh hun tura ruahman June 2023-ah chuan sa zo hman ngei turin a enkawltu MAMCO hotute a hrilh a. JNV hi sak zawh anih chuan Aspirational District Programme hnuaia Education Sector-ah kan san theih dawn avangin tan la turin a chah bawk.