2787/2024-2025

Khawzawl, The 30th October 2024: Vawiin khan DC meeting hall-ah Khawzawl District Sanitation Task Force leh Sigle Use Plastic Inspection Team-ten Addl DC Pu Lalfakzuala hovin meeting an nei.

Pu Lalfakzuala chuan faina kawngah Khawzawl District chuan  hmalakna  an nei tha thawkhat viau ni a hriatthu sawiin, fai lawmman pawh lo la fo tawhin, Mizoramah pawh fainaah chuan Distrcit hmahruai an ni ni a hriatthu a sawi bawk. Chutihrualin,DUDO tharin a rawn zawm tak avangin hun rei loteah faina lamah endikna an hmachhawn leh  thuai dawnin a hriat a,chutiang  atan a inbuatsaihna ni pahfawmin hmalakna  hrang hrang lo neih a tul a ni, ati a,Khawzawl town a lo fai zual zel a, a state level ang pawh a zahpuiawm loh takel theihn a nih zel theih nan  hmalakna tur a ni,a ti.

Pu Suvigya S Chandra,DUDO chuan faina chungchanga hmalak theih kawng hrang hrangte Powerpoint Presentation hmangin a sawifiah a,chung zingah chuan hman khat daih plastic khapte, Village Council-ten hman khat daih plastic leh plastic bag hmangte an fine tir theih dan turte,Plastic bottle litre 2 ai a tam hman khapna dante, hman khat daih plastic leh plastic bag-te a khat tawk a check-te, flyer leh banner hmanga inhrilhhriatna neihte, plastic thatlohna sikula inzirtirte, Anti-Plastic march buatsaihte, plastic halral khapte a ni a, a tul ang zel a hmalak dan tur rel bawk a ni.

Vawiin meeting-ah hian District Sanitation Task Force member-te bakah, Sigle Used Plastic Inspection team-te, Block Mission Manager, MzSRLM, Khawzawl RD Block leh City Mission Manager, DAY,NULM, Khawzawl, UD&PA te an tel a ni