2786/2024-2025

Khawzawl, dated 30th October, 2024: Vawiin khan Khawzawl DC Meeting Hall-ah Khawzawl DC, Pu K.Vanlalthiana hovin Mizoram Tourism Department buatsaih District wise Tour Itinerary Creation Competition neih tur a Khawzawl District inbuatsaih dan thlir ho a meeting neih a ni.

Addl. DC, Pu Lalfakzuala chuan meeting koh a nih chhan sawifiahin Mizoram Tourism in District wise Mizoram Tour Itinerary Plan siam a intihsiak a buatsaih a tel tura sawmna an dawnthu a sawi a. He competition-ah hian Khawzawl District pawh tel ngei an tum thu a sawi bawk. He Itinerary Competition atan a an inbuatsaihna presentation a pe nghal bawk a ni. Hemi hnu hian tha leh zual a he competition hmachhawn a nih theihdan tur sawi ho nghal a ni.

District wise Itinerary Creation Competition hi Mizoram Tourism Department buatsaih niin, Mizoram District hrang hrangte chu ni 5 leh zan 4 atanga ni 7 leh zan 6 awh tur buatsaih a PowerPoint Presentation hmang a entira intihsiak tur niin, 5th November 2024 zan dar 8:00 P.M ah Ignite Studio, Khatla, Aizawl-ah neih tur a ruahman a ni.