2785/2024-2025

Champhai, 30th September 2024: Vawiin khan District Agriculture Marketing Committee, Champhai chu an chairman Pu VL Remliana Champhai Bawrhsap hoin an thukhawm.

Champhai DC Conference Keifangtlanga thutkhawmah hiah Chairman Pu VL Remliana chuan Meeting ngaihpawimawh a tul thu sawiin Head of Office an kal thei lo a nih pawhin aiawh tir zel thin turin a chah a. Sorkar Flagship Programme bana kaih policy-ah kut hnathawktute’n an thlai thar chhuahte man man taka an hralh chhuah theihna tura hmalak a tul thu sawiin member-te chu kut hnathawktute tana ngaihtuahna zau leh fim tak seng turin a chah bawk.

Meeting chuan khua leh veng tinah Bana kaih policy hnuaia thlai thar lo buaipui tur Society lo thlang fel tur leh a tul ang a anga an hming siamrem sak turin DHO leh Champhai DAMC Co-opted member-te an ruat a, Sensitization neih hun tur leh a neih dan tur te, Secondary Collection Centre tur an ruahman nghal a, Champhai District chu area 8-ah then a ni a, a bialtu tur Department chan tur chin ruahman fel nghal a ni bawk. Heng bakah hian Buyers-Seller Meet Aizawla neih tura tel dan tur an sawi bawk a ni.

Meeting-ah hian PD DRDO, DFO, AH&Vety Dept, Horticulture Dept, DCSO, Commerce & Industries Dept, Soil & Water Conservation Dept leh DAMC Co-opted member-te an tel a ni.