2784/2024-2025

Dated Kolasib the 30th October 2024 : Vawiin khan Kolasib DC Conference Hall ah District level Consultative Committee meeting on Campaign for schemes at Gram Panchayat level  neih a ni a. He hun hi Kolasib Addl DC Pi B Malsawmtluangi chuan Chairman niin a kaihruai a, Pu PC Lalnunpuia, Lead District Manager Kolasib, Convener ni bawk chuan an meeting chhan leh thurel tur te sawizauna hun a hmang bawk. 

Vawiin a DLCC for Jan Suraksha Schemes ahhian thurel 4 awmin, chungte chu Bank ina VC an huam tur chin bituk dan tur te, Jan Suraksha Scheme chungchang a Data pawimawh ho bihchianna te, District chhunga he Scheme Campaign kalpui mek thlirhona te leh Scheme kalpui dan kawnga hmalakna te a hmuna thlithlai tura Officer ruat chungchang te an ni. 

He Jan Suraksha Schemes Campaign hi Ministry of Finance hnuaiah awmin thla  thum chhung; ni 15.10.2024 atanga ni 15.01.2025 chhung a neih tura ruahman a ni a.  Hemi hian a tum ber chu tuna Social Security scheme pahnih awm  mek Pradhan Mantri Jeevan Jyoti Bima Yojana leh Pradhan Mantri Suraksha Bima Yojana te  enrollment tih pun leh Village Council/ Gram Sabha tina Campaign neih a ni a. Heng an hmalakna leh an mapping tih tawh te hi Jansuraksha Portal ah update thin tur a ni. 

Portal a a lan dan chuan Kolasib District ah Jan Suraksha Campaign nei tur hian Bank 20 leh VC 56 an awm a. Heng Village Council te huam tur hian  a remchan zawk nan an bulhnai Bank te theuh ruat an ni. 

Vawiin a DLCC Meeting on Campaign for Jansuraksha Schemes at Gram Panchayat level Kolasib a neih ahhian Kolasib District a Addl DC, Lead Bank Manager, Project Director(RD), Nabard DDM, DIPRO leh Kolasib a Bank hrang hrang aiawhte an tel a ni.