3060/2024-2025

Khawzawl, dated 18th November 2024: Vawiin khan Khawzawl DC Meeting Hall-ah Khawzawl khua in faina leh mawina kawng a hma a sawn zel dan tur ngaihtuahin meeting neih a ni a, DC Pu K. Vanlalthiana chuan meeting hi a kaihruai.

DC Pu K. Vanlalthiana chuan meeting a an hun hlu tak seng a rawn telte chu lawmthu hrilhin, meeting chuan rah tha tak a chhuah ngei a beisei thu a sawi a, Khawzawl District chu faina leh mawina lamah hma a sawn nasa em em a, Mizoram huap pawhin District hmahruai an ni chungin hmasawnna tur tam tak a la awm thu a sawi a,hemi tur hian tanrual a tul takzet a ni, a ti.

SDO (Sadar) Pu Suvigya S. Chandra chuan kalkhawmte hnenah meeting koh a nih chhan sawifiahin, Mizoram Cleanliness Competition hmachhawn turah Khawzawl District in hma a lak mek dante Power Point Presentation hmangin a sawifiah a ni.

Vawiin meetingah hian Addl. DC Pu Lalfakzuala, SDC Pu Elijah L.H. Sanga, Department hrang hrang aiawhte bakah khawtlang hruaitute an tel a ni.