3061/2024-2025

Aizawl the 18th November, 2024 : Mizoram Pharmacists' Association leh Health & Family Welfare Department, Govt. of Mizoram chuan Rampuma Pharmacy Hapta leh Antibiotics hman fimkhur pawimawh zia kar an hmang a, Ni 18, Thawhtanni zing khan H&FW Dept. Principal Director hovin Walkathon neiin Millenium Centre atanga Vanapa hall thleng an kal. 

He huna Chief guest Principal Director Dr. Vanlalsawma chuan hriselna kawngah hian mipui tan hian Doctor, nurse leh thawktu dang dang kan tangkhawm a, pharmacist te chu damdawi lama technical taka damdawi lama thiamna bik nei annih avangin hetiang hun an hmang chu lawmawm a tih thu a sawi. 

Mipuiin antibiotics leh damdawi dang reng reng pawh mipui hnena zirtirna pe zel a an awmna hmun theuhah hna taima tak leh damlo tana tangkai taka thawk zel turin a fuih a ni. 

National Pharmacy Week leh World Antibiotics Resistance Awareness Week pual hian Zonet cable TV-ah talk show neih a ni a. Pharmacy, Medical, leh Dental lama mithiamten hun an hmang a, Tin, Doordarshan Aizawl Hriselna huangah Antibiotics Resistance chungchang leh antibiotics hman uluk pawimawh zia chungchang Dr. Zothanpuia leh Dr. C. Zothanmawia ten an lo hmang tawh bawk a ni.