825/2025-2026

Khawzawl, dated 11th June 2025: Vawiin chawhma dar 10:30 khan Tuisenphai Junction-ah Green Mizoram Day pualin hun hman a ni a, Khawzawl Bawrhsap Pu K. Vanlalthiana'n khuallian niin hun a hmanpui.

Khuallian Pu K. Vanlalthiana chuan Green Mizoram Day hi kan ram, kan hnam, kan khawtlang, kan District, kan thang thar leh kan tu leh fate chenna tlak a siam zel turin he hun hi hlim taka hmang turin kalkhawmte chu duhsakna a hlan a ni.

Green Mizoram Day hawnna hun hi Hon. Wildlife Warden Pu P.C. Rosiama chuan kaihruaiin khuallian D.C. Pu K. Vanlalthiana chuan Green Mizoram Day hi a hawng a. Green Mizoram Day lawmnaah hian Pu Joseph Lalnunmawia, R.O. Lengteng WLS in Report pein a kaihhruaina hnuaiah kangmei ven kawng a hma la tha VC te leh nikum chhunga Best Planting Agency hnenah lawmman sem a ni a, kangmei ven kawng a lawmman dawngtute chu hetiang hi an ni:-

1. Kawlkulh North VC (Rs.50k + Citation)

2. Chalrang VC (Rs.30k + Citation)

3. Lungtan VC (Rs.20k + Citation)

Anni bakah hian khaw pathum, hma la tha zual - Kawlkulh VC, New Chalrang VC leh Tualpui VC te hnenah Rs.3000 leh Citation an hlan bawk. Nikuma Green Mizoram Day puala thingphuntute zinga an thingphun enkawl tha ber District Child Protection Office hnenah lawmman hlan an ni bawk.

Hemi hnu hian NH-06 kawn, Khawzawl to Aizawl Road, Choak buk bawr velah thing phun hnatlang neih chhunzawm a ni a, hetah hian thing tiak 240 vel phun a ni.