637/2026-2027 

Dated Khawzawl, the 21st May, 2026 : Vawiin khan District Level Committee on Gyan Bharatam Mission chu SDO Pu Chandrakant Bagoria kaihhruaiin DC Conference Hall-ah an thukhawm.

Vawiin thutkhawmah hian meeting hmasaa thurel bawhzuinate sawiho a ni a. Mizo Lal Zataia’n Superintendent of Lushai Hills hnena a lehkhathawn te, kohhran lehkha pawimawh hlui te, Lal Kairuma thlahte thuziah te leh hmanlai atang tawha Biate khua hi khaw fai a nih zia ziahnate zawn chhuah tawh a nih thu tarlan a ni a. Pi leh pute sulhnu, lehkha emaw hnaha an kutziak tam zawk hmuhchhuah a nih theih nan hmalak zel dan tur leh Khawzawl district chhunga khaw hrang hrangte tlawh dan tur rel a ni.

Pu Chandrakant Bagoria chuan mizote thu ziak hlui zawn chhuah hna thawk tur hian Khawzawl district khaw hrang hranga khawtlang hruaitute leh sawrkar hotute nen thawh hona tha neih a pawimawh thu a sawi.

Gyan Bharatam Mission hi Ministry of Culture kaltlanga India ram pum huapa kut ziak (manuscript) kum 75 aia hluite zawn chhuah leh vawn that (digitalized) kawnga hmalakna kalmek a ni a. Kum 2025 – 2031 inkar chhunga kalpui tur a ni.