638/2026-2027  

Saitual, the 21st May, 2026 : Saitual DEF Special Team chuan heroin 2.493 kg, ₹4,98,60,000 man vel an man.

ASI H. Lalpekhlua-a, Special Team member-in enquiry report a theh luh angin C/No.51/2026 Dt.21.05.2026 U/S 21(c)/25 ND&PS Act r/w 181 MV Act chu register a ni a. Special Team chuan zan laiah Keifang khaw pawnah random checking an kalpui laiin Bolero var registration number AS11 V 6022, Manipur atanga Aizawl pana kal chu an hmu a. He motor hi kum tling lo, kum 15 mi  khalh a ni. Rinhlelhna avangin zing dar 1:30 vel khan Keifang Kualmawi, Aizawl kawngah motor hi tihdin a ni a, uluk taka check niin, Bolero chhung a hnung seat siam danglam bikah thuhruk taka dah sahbawn bawm 210 (zahnih leh sawm)-ah heroin kg 2.493, ₹4,98,60,000 man hu vel man chhuah a ni.

Naupang dan lama buaina nei (juvenile in conflict with law) chungah dan anga hma lak a ni a, a nu hnenah mobile phone hmangin hriattirna pawh pek nghal a ni bawk. An motor hmante leh Vivo mobile phone hmante chu man a ni. 

He case-ah hian midang inhnamhnawih te hriat chhuah a nih theih nan investigation chu kalpui zui zel a ni.