2858/2022-2023
Khawzawl, the 29th November, 2022: Khawzawl District Civil Hospital-ah vawiin khan a thlawna inentirna hun 'Health Mela' buatsaih a ni. Khawzawl District Hospital hian tunhnaiah khaw thenawm - Neihdawn, Ngaizawl leh Tualte-ahte Health Mela hi an lo buatsaih tawh a ni.

Vawiina Khawzawl District Hospital-a Health Mela buatsaihah hian Doctor 4 - Dr. Albert Lalhminghlua, Dr. Zozikpuii, Dr. Melody Lalmuanpuii Fanai leh Dr. Lalnunpuii Renthlei te'n damlote an en a. Health Mela-ah hian damlo 110 an inentir a. Mit lama harsatna nei inentir 4 an awm bakah thisen leh zun test mi 59 an awm a, vawiina damlo inentir mi 110 te hnenah hian a thlawn vekin damdawi sem chhuah a ni bawk.