884/2025-2026

Khawzawl, dated 23rd June 2025: Khawzawl District huamchhung khaw pathum - Vangtlang, Chalrang leh New Chalrang khua ten lo an neihnaa Buh eichhetu Hnahkhawr Pangang tunlaia puang mek nia sawi chu June ni 21 khan Khawzawl District Agriculture Office atangin ADAO Pu Lalrammuana hovin Agriculture mithiam 3 in lovah kalchilhin an enfiah.

Chalrang leh New Chalrang khua te hian lo atan ram theh inang neiin chhungkaw 210 lovah Hnahkhawr Pangang hi hmuh tur a awm a, heng zinga chhungkaw 70 lovah hian a puang nasa a. Vangtlang khuaah hian chhungkaw 80 lovah Hnahkhawr Pangang hi hmuh tur awmin chhungkaw 10 lovah a puang nasa zual a ni.

Agriculture mithiam ten an endiknaah hian loneitute hnenah damdawi semin damdawi hman dan a taka inzirtirna an nei nghal a. Chalrang VCP Pu C. Chawngliana chuan an harsatna tawh te hria a, Agriculture Department in hma an laksak nghal chu lawmawm a tih thu sawiin hei hian Hnahkhawr Pangang in buh a ei chhiat tur pawh nasa takin a ven hman an beisei tih a sawi a ni.