1614/2024-2025

Khawzawl, dated 16th August: Nimin tlai dar 5:30 pm khan 78th Independence Day Celebration Volleyball Tournament 2024, Khawzawl District Volleyball Association in August ni 8 atanga ni 15 chhunga a buatsaih chu khar a ni a, closing day-ah hian Khawzawl Deputy Commissioner, Pu K. Vanlalthiana chu khuallian niin lawmman a sem.

He hunah hian DC Pu K. Vanlalthiana chuan he intihsiaknaa thalai fel tak leh thiam tak an lo tel thei hi a lawmawm a tih thu a sawi a, ruihhlo tel lo a thianghlim taka hetiang intihsiaknaa sang tak thleng turin duhsakna a hlan bawk. Thalaite hian Khawzawl district hi district changtlung leh ropui takah an siam theih ngei a rin tlat thu a sawi bawk a ni.

Men's final-ah hian BMM VC in Chawngtlai VC an hneh a, women's final-ah Kawnzar team in Lungvar team an hneh thung. Lawmman hi DC Pu K. Vanlalthiana chuan a sem nghal a ni.