1615/2024-2025

Khawzawl, dated 16th August, 2024: Khawzawl Deputy Commissioner, Pu K. Vanlalthiana chuan kuhva rah tawlh ruk chungchangah hetiang hian thu a chhuah:

"Khawzawl District chhungah kuhva rah tawlh ruk, dan lova phurh luh a lo tawp theih nan thupek hmanhmawh taka chhuah a tulin ka hria a.

Chuvangin, kei, K.VANLALTHIANA, DISTRICT MAGISTRATE, KHAWZAWL DISTRICT chuan Bharatiya Nagarik Suraksha Sanhita (BNSS), 2023 Section 163-nain thuneihna min pek angin, Khawzawl District chhunga hman turin, a hnuaia mi ang hian khapna thupek ka chhuah e.

1. Khawzawl District chhungah kuhva rah tawlh ruk dan lova phurh luh khap tlat a ni.

2. Khawzawl District chhungah kuhva rah tawlh ruk dan lova phurtute hnen atangin danin a phut ang ni lo pawisa lak khap tlat a ni.

3. Khawzawl District chhungah kuhva rah tawlh ruk dah khawlna tur Kudam sak khap tlat a ni.

He khapna thupek zawm lote chu Bharatiya Nyaya Sanhita (BNS), 2023, Section 223 hmang leh a kaihhnawih dan dinglai hmanga hrem theih an ni ang.

He thupek hi tihdanglam a nih loh chuan thupek chhuah ni atanga thla hnih chhung a huam ang.

He thupek hi vawiin August Ni 14, 2024 hian District Magistrate Seal-a nemnghetin

ka hming ka ziah hnan e."