1477/2026-2027

Dated Khawzawl, the 21st July, 2026 : Vawiin khan Khawzawl Bawrhsap Pu K. Vanlalthiana kaihhruaiin Khawzawl District chhunga Head of Office-te chu kumin Independence Day 2026 lawm dan tur relin DC Conference Hall, Khawzawlah an thukhawm.

Independence Day 2026 hi August 15 (Inrinni) zing dar 9-ah Mualvawm Playground-ah lawm tura rel a ni a, tluang tak leh hlawhtling taka lawm a nih theih nan Department-te chu chanvo hrang hrang pek an ni a. Independence Day, 2026 lawmna atan Khawzawl District Football Association, Khawzawl District Volleyball Association leh Khawzawl District Tennis Association-te hnen atang tournament buatsaih dilna leh tanpui dilna dawn a ni a, tournament buatsaih remtihsak niin tanpuina pek zat tur ruahman a ni bawk a. Khawzawl District chhunga Rehabilitation Home hrang hrang – Chhanchhuahna Home, Grace Camping Centre, Kimkim Memorial Rehabilitation Centre leh District Hospital te chu Independence Day, 2026 pualin tanpuina pek ni se tih a ni bawk a. Khawzawl District Amateur Taekwando Association ten Independence Day lawmna function a show neih an dil chu remtihsak an ni.