952/2025-2026

Khawzawl, dated 26th June 2025: Vawiin chawhma dar 11:00 khan Khawzawl Zaingen Branch YMA Hall-ah Khawzawl DC Office, NMBA leh NCORD Khawzawl District bultumin “International Day Against Drug Abuse and Illicit Trafficking” hun hman a ni a, he hunah hian Resource person atan Pu Vanneihtluanga niin, Pu Lalfakzuala, Addl. DC in hun a kaihruai.

Pu Vanneihtluanga, Resource person chuan leh ruihtheih thil do let tura theihtawp chhuah a tul thu te, theihtawp chhuah a lo do tawhtu NGO, Police, Excise leh tlawmngai pawl dangte chu kan “hero” te an nih thu sawiin, Ruihhlo do chungchangah pawh ven ngai Veng emaw ven ngai chhungkua nilova a vengtu zawk ni turin uar takin kalkhawm te a fuih a ni.

Khawzawl Bawrhsap Pu K. Vanlalthiana Khawzawl pawhin thu sawiin kalkhawmte chu ruihtheihthil a fihlim tur leh a dona kawng a chak taka hma la turin a fuih a, Khawzawl district-in hma a sawn zel theih nan ruihhlo do turin sawrkar leh khawtlang an tanrual a pawimawh hle a ni tih a sawi bawk.

He hunah hian District NCORD leh NMBA te hmalakna Pu F Lalbiakzauva, SP Khawzawl leh Pu Paul Rokima, SDC te hnen atangin ngaihthlak a ni a. Pu R Lalrinhlua, SDC kaihhruaina in NMBA pledge lak a ni bawk. Hemi ni puala Khawzawl District chhunga Poster Making Competition (Middle section leh H/S & HSS combined) a ti tha te hnenah lawmman pek a ni bawk. Pu Suvigya S. Chandra, SDO (Sadar) chuan lawmthu sawina hun hmangin programme a ti tawp a ni.

He hun hi Khawzawl Khawpui chhunga H/S leh HSS zawng zawng bakah department hrang hrang hotute, NGOs, VCP te leh Youth Icon 2024, Lalsangliana ten an hmanpui a ni.