2619/2023-2024

Khawzawl, 3rd November 2023: Vawiin khan Vote thlak tawp hma darkar 72 chhunga dan leh thupek kalpui dan tur relin Khawzawl DC Meeting Hall-ah General Observer Pu Amit Singh Bansal, Expenditure Observer Pu Shridar Dora, Police Observer Pu Aotemsu, DC Pu K.Lalrohlua te hovin inthlan kaihhnawiha mawhphurhna nei Nodal Officer te leh team hrang hrang te an thukhawm.

He hunah hian Khawzawl District Election Officer Pu K. Lalrohlua chuan ECI-in Vote thlak tawp hma darkar 72 chhunga hmalak dan tur ‘Standard Operating Procedure’ a siam angin thutkhawm huaihawt a nih thu a sawi a. Khawzawl District Administration hnuaia Assembly Constituency awmchhun 22-Tuichang (ST) chhunga dan leh thupek kenkawh chungchanga ruahmanna hrang hrang te a sawi.

He hunah hian Khawzawl SP Office, 2nd IR Battalion, Excise & Narcotics Department, Central Armed Police Force (CAPF) te hnen atangin venhimna hna  kalpui an tum dan hrang hrang ngaihthlak a ni bawk.