2220/2025-2026

Khawzawl, dated 14th November 2025: Vawiin khan DC Office tualah tribal hotu pawimawh tak Birsa Munda piancham kum 150-na, Janjatiya Gaurav Diwas lawm a ni.

He hunah hian Khawzawl Bawrhsap Pu K. Vanlalthiana'n thu a sawi a, Birsa Munda leh Mizoram atanga kan tana zalenna sualchhuaktu te hnenah zahna chibai bukin Mizo kan nihna, kan tawng te leh kan ze tha te ti nung reng turin mipui a fuih a, tribal tana hamthatna awm hrang hrang te pawh mipuiin hmang tangkai turin a sawm bawk.

He hun hi SDO (Sadar) Pu Suvigya S. Chandra chuan a kaihruai a, hun tan nan hian Khawzawl atanga zalenna sualchhuaktu te tan pangpar hlanna leh chibai bukna hun hman a ni. Hemi zawh hian BDO Pu Timothy R. Lalhmangaiha chuan Birsa Munda chanchin leh tribal tana hamthatna awm hrang hrang a sawi a, Sub-Hqrs. YMA Presiden Pu PC Rosiama'n thu a sawi bawk. Vengthar YMA Branch-in Sarlamkai an lam a, Hermon Branch YMA-in chheih lam an lam bawk. DIPRO Pu Lalzara'n lawmthu sawiin hun a khar a ni.